دپلټنې عالي ادارې عمومي رئیس محمد نعیم حقمل د انکوسای په ۲۳ مه نړیواله ناسته کې ګډون وکړ
دغه غونډه چې د ۲۰۱۹ زیږدیز کال دسپتامبرله ۲۳ څخه تر ۲۸ نیټې پورې دوام لري دنړۍ ۱۹۴غړو هیوادونو او دافغانستان د پلټنې عالي ادارې مشرتابه پلاوي محمد نعیم حقمل دپلټنې عالي ادارې عمومي رئیس د دغې ادارې مالي او اداري مرستیال مجیب الرحمن شیرزاد او د دفتر رېیس محمد نادر احمدي پکښې ګډون کړی.
دغه ناسته د دوشنبې په ورځ د روسې هیواد ولس مشر ولادیمیرپوتین له لوري په رسمي توګه پرانستل شوه او ددغې ناستې د ارزښت په اړه يي ګډون والو ته وینا وکړه.
سږکال روسیه ددغه سازمان کوربه توب په غاړه لري اودروسې هیواد دفدراسیون حسابونو اتاق رئیس الکسی کودرین ددغه سازمان مشرتابه په غاړه لري.
ددغې ناستې موخې دپلټنې ونډه د ملي اوپراختیایي موخو ته دلاسرسي ، دپلټنې عالي ادارو ترمینځ داعتماد څخه د ډاډ را مینځته کول او ددغه سازمان د پراخوالي په اړه خبرې اترې وشي.
دغه کنګره په هرو درېو کلونو کې یوځل ترسره کیږي، چې د انتوسای ۱۷۰ غړي هیوادونو، اقتصاد پوهانو، ددولتي مدیریت کارپوهانو دملګروملتونو او نړیوال بانک استازو پکښې کډون کړي.
