د پلټنې عالي ادارې د څار پلاوي؛ په پنجشیر ولایت کې د ارزونې لاندې ادارو نه لیدنه وکړه
د پلټنې عالي ادارې د څار پلاوي د سه شنبې په ورځ ۱۴۰۱/۷/۲۶ چې د ۱۴۴۴ هـ ق کال د ربیع الاول له ۲۲ سره برابره وه د په پنجشیر ولایت کې د ارزونې پروسې له جریانه لیدنه وکړه.
د پلټنې عالي ادارې پلاوی چې پکې ددې ادارې حقوقي سلاکار ښاغلي نورحیدر صدر، مالي او اداري رییس ښاغلي اسدالله حیدري، د عامه اړیکو او اطلاعاتو امر عزیزالرحمن حقاني، د پلټنې ګروپ امر ښاغلي مولوي حسن موسی زی او د پلاوي نورو غړو پکې ګډون کړی و د یاد ولایت له والي ښاغلي مولوي محمد محسن هاشمي، مرستیال والي ښاغلي روح الله ملنګ، د کار او ټولنیزو چارو رییس ښاغلي عظیم الله شهید، د لوړوزده کړو رییس ښاغلي مصطفی ابو سعید، ښاروال ښاغلي رحمت الله محمدي او نورو مسولینو پکې ګډون کړی سره ولیدل.
په دې لیدنه کې ښاغلي نورحیدر صدر د پلټنې عالي ادارې د غړو او د پنجشیر ولایتي مسولینو تر منځ له پېژندګلوۍ او ددې ولایت له والي د مننې تر څنګ د ادارې په تاریخي سفر، موخو، دندو، مسولیتونو، او د روڼتیا په رامنځته کولو کې ددې ادارې په ونډې، حساب اخیستنې، حساب ورکونې د عامه سکټور په اصلاح او له اداري فساد سره د مبارزې په برخه کې د پنجشیر ولایت مسولینو ته توضیحات ورکړل. ښاغلي صدر د څار اصلي موخه ارزونه او د ارزونې په پروسه کې د پلټونکو ستونزې اوریدل یاد کړل او زیاته یې کړه: ځینې ادارې وې چې پلټنې ته تیارې نه وې، چې رییس الوزرا د یو فرمان په ترڅ کې ټولې ادارې حساب ورکونې او پلټنې ته تیارې کړې، نوموړي زیاته کړه چې ادارې کولای شي چې د پلټنې عالي ادارې پلټونکي کولای شي، چې د قوانینو په رڼا کې د طرزالعملونو، لوایحو، لارښودونو او نورو مواردو په جوړونه کې زده کړه وکړي، او یا د هغوی له پوهې ګټه واخلي.
په پای کې د پنجشیر ولایت والي مولوي محمد محسن هاشمي د پلټنې عالي ادارې له پلاوي مننه وکړه او زیاته یې کړه: دا چې اسلامي امارت کوښښ کوي چې له اداري فساد خالي اسلامي نظام جوړ کړي، نو یواځېنۍ اداره چې کولای شي د فساد مخنیوی وکړي د پلټنې عالي اداره ده، نوموړي د قران کریم د ایاتونو په اساس اسلامي نظام ګټور وباله زیاته یې کړه: پلټنه اسلامي امارت ته دوه کټې لري، یو یې د فساد مخنیوی کوي او بل دا چې خلکو ته د حساب ورکونې په برخه چارواکي تیار او پوه کړي.
