د پلټنې عالي ادارې حقوقي سلاکار د سرې میاشتې له رییس سره ددې ادارې کاري چوکاټ په اړه وکتل
۱۴۰۱/۸/۱۶
د پلټنې عالي ادارې د مشرتابه له هدایت سره سم؛ تر ارزونې لاندې ادارو سره د پلټنې جریان په اړه د کتنو په لړ کې د پلټنې عالي ادارې پلاوي چې پکې د یادې ادارې حقوقي سلاکارښاغلي مولوي نورحیدر صدر، د دفاعي ، امنیتي او ټولنیز خوندیتوب سکټور رییس ښاغلي صدیق الله عزیزي او د سرې میاشتې رییس ښاغلي مولوي مطیع الحق خالص او نورو مسولینو ګډون کړی و.
د غونډې په پیل کې د پلټنې عالي ادارې حقوقي سلاکار ښاغلي مولوي نورحیدر صدر د پلټنې عالي ادارې د موخو، کاري کړنلارې، په عامه ادارو کې د پلټنې په ارزښت او په نړیوالو ادارو او سازمانونو کې د یادې ادارې په غړیتوب معلومات وړاندې کړل، او زیاته یې کړه چې د پلټڼې عالي اداره په هېواد کې د عامه شتمنیو د مصرف په اړه یوازینۍ ستره مرجع ده، چې د هېواد د شته وو قوانینو او مقرارتو په نظر کې نیولو سره د عامه شتمنۍ له سم مصرف، د عوایدو راټولو څخه پلټنه کوي او د هېواد لوړپوړو مقاماتو ته راپور ورکوي.
د غونډې په جریان کې ښاغلي مولوي مطیع الحق خالص پلاوي ته د ښه راغلاست تر څنګ زیاته کړه د عامه شتمنیو د ساتلو لپاره د پلټنې پروسه یو مهم امر دی چې په ادارو کې شفافیت رامنځته کوي او مسولین خپلو مسولیتونو ته متوجه کوي، د سرې میاشتې رییس په دې بنسټ کې د پلټڼې له جریانه د ملاتړ تر څنګ زیاته کړه چې مسولین به له پلټونکو سره هر اړخیزه همکاري وکړي
