د پلټنې عالي ادارې پلاوي، په پاسپورټ ریاست کې د پلټنې پایغونډه جوړه کړه
۱۴۰۱/۹/۲ هـ ش ۱۴۴۴/۴/۲۸
د پلټنې عالي ادارې پلاوي، چې پکې د بهرنیو مرستو د پلټنې رییس ښاغلي مولوي محمد غازي جریر، د معلوماتي ټکنالوژۍ د پلټنې رییس ښاغلي نویدالله پوپلزي، د پلټنې د پلاوو غړو او د پاسپورټ ریاست عمومي رییس ښاغلي مولوي عبدالکریم حسیب او نورو مسولینو ګډون کړی و، د پلټنې پایغونډه جوړه کړه.
ښاغلي مولوي عبدالکریم حسیب د پلټنې عالي ادارې چارې د نظام د خلاوو او نیمګړتیاوو د لرې کېدا لپاه مهمې وبللې او د پلټنې پروسه یې د عامه ادارې د پرمختیا لپاره اساس وباله، ښاغلي مولوي محمدغازي جریر زیاته کړه د پلټنې عالي اداره د بیت المال د شتمنیو د سم مصرف په پار د پلټنې پروسه په خپلواک او بې طرفه ډول اجرا کوي او د خپلو کارونو راپور د اسلامي امارت لوړ پوړو مسولینو ته وړاندې کوي.
د غونډې په پای کې د راپور د مسودې یوه کاپي او د پلټونکو موندنې له اړوندو مسولینو سره د نظر څرکندولو لپاره وسپارلې.
