د پلټنې عالي ادارې پلاوي، په اتلسمه او نوولسمه ناحیه کې د پلټنې پرانیست غونډه جوړه کړه
د پلټنې عالي ادارې پلاوی، چې پکې د ښاروالیو د پلټنې رییس ښاغلي مولوي حزب الله رښتین، پلټونکو او نورو مسوولینو ګډون درلود، په اتلسمه او نوولسمه ناحیه کې د کابل ښاروالۍ د اتلسمې ناحیې د ښاري پراختیا امر او د نولسمې ناحیې د عوایدو امر ښاغلي محمد اجمل رشیدي او د یادو ناحیو له نورو مسوولینو سره د ۱۴۴۴ هـ ق د جمادي الثاني په ۲۹ نېټه وکتل.
په دغه ناسته کې د پلټنې عالي ادارې پلاوي، د پلټنې په موخو، تاریخي مخینې، په عامه سکټور کې د حساب او ځواب ورکولو، له اداري فساد سره په مبارزه او د مالي سیستم په پیاوړتیا کې د پلټنې په ونډې خبرې وکړې.
په پای کې د یادو ناحیو مسوولینو، د ورغلي پلاوي ته د ښه راغلاست تر څنګ، د پلټنې په بهیر کې د خپلې هر اړخیزې همکارۍ ډاډ ورکړ.
