د پلټنې عالي ادارې ګمارل شوي پلاوي، په اندرا ګاندي روغتون کې د پلټنې پرانیست غونډه جوړه کړه
د پلټنې عالي ادارې پلاوي، چې مشري یې د دې ادارې د بهرنیو مرستو د پلټنې رییس ښاغلي مولوي محمد غازي جریر کوله، او ورسره د پوهنې، روغتیا او کلتور د پلټنې برخې رییس ښاغلي عبدالاحد قیومي او نورو غړو ګډون درلود، د ۱۴۴۴ هـ ق کال د رجب المرجب په ۹ نېټه د اندرا ګاندي روغتون له رییس ښاغلي دوکتور محمد حسیب رحیمزي وردګ او نورو مسوولینو سره په دې بنسټ کې د پلټنې د پیل په اړه خبرې وکړې.
د پلټنې عالي ادارې پلاوي د غونډې ګډونوالو ته د پلټنې په بڼو، موخو، صلاحیتونو او مسوولیتونو، او د پلټنې په بهیر کې تر پلټنې لاندې ادارې په مکلفیتونو خبرې وکړې.
په پای کې د اندراګاندي روغتون مسوولینو د پلټنې عالي ادارې پلاوي ته، د ښه راغلاست تر څنګ د پلټنې په بهیر کې له پلټونکو سره د هر اړخېزې همکارۍ ژمنه وکړه.
