دپلټنې عالي ادارې، د دفاعي امنیتي او ټولنیز خوندیتوب د پلټنې ریاست پلټونکو ته یو ورځینی سمینار جوړ شو
د پلټنې عالي ادارې د دفاعي، امنيتي او ټولنيز خونديتوب د پلټنې رياست د پلټونکو د وړتيا لوړولو، د پلان او راپور ترتيبولو، له پلان او راپور جوړونې سره د پلټونکو بلدتيا او د پلټنې په بهیر کې مسلکي اخلاقو او اصولو ته د پام او نورو اړوندو موضوعاتو په پار د ۱۴۴۴ هـ ق کال د رمضان په ۱۹ نېټه یو ورځینی سمینار جوړ کړ.
غونډه د قرآن کريم په مبارکو اياتونو پيل شوه لومړی د د فاعي، امنيتي او ټولنيز خونديتوب د پلټنې رييس ښاغلي مولوي محمد غازي جرير پلټونکو ته د پورته موضوعاتو په اړه هر اړخیز معلومات وړاندې کړل، په ياد سمينار کې په ستونزو او د تير کال په شته کاري نيمګړيتاوو خبرې اترې وشوې. همدارنګه مسوولينو د پلټنې په بهير کې اسلامي ارزښتونو ته په پاملرنې ټينګار وکړ.
