د پلټنې عالي ادارې ټاکل شوي پلاوي، په هرات ولايت کې د پلټنې پرانيست غونډه جوړه کړه
د پلټنې عالي ادارې پلاوي چې مشري يې ښاغلي مولوي فضل احمد احمدي او د پلټونکو ټيم غړو ګډون درلود د ۱۴۴۵ هـ ق کال د محرم په ۲۹ نېټه د هرات ولايت والي ښاغلي شيخ الحديث مولانا نوراحمد اسلام جار، د هرات ولايت د الفاروق قول ارادو قومندان ښاغلي مولوي راشيد او تر پلټنې لاندې ولايتي ادارو مسوولينو سره وليدل.
د پلټنې عالي ادارې پلاوي پلټنه په ادارو کې د ستونزو، نيمګړتياو او تېروتنو د سمون لپاره اړينه وبلله او د ياد ولايت له مسوولينو يې د پلټنې په بهير کې د همکارۍ غوښتنه وکړه.
د ياد ولايت مسوولينو د پلټنې پلاوي ته ښه راغلاست ووايه او د پلټنې په بهير کې يې ورسره د هر اړخيزې همکارۍ ډاډ څرګند کړ.
