د ا.ا.ا د پلټنې عالي ادارې د عمومي رییس پیغام

۱ میاشت ۱ اونی مخکې

د پلټنې عالي اداره، چې د حکومتي چارو د تنظیم او ښه والي لپاره رامنځته شوې، د یوې خپلواکې ادارې په بڼه د افغانستان اسلامي امارت د ریښو د پیاوړي کولو، حکومتي نظام کې د هر ډول فساد د مخنیوي او غلطې ګټې اخستنې پر وړاندې خپل مسلمان او مجاهد ملت او خلکو ته ژمنه ده.
د یادولو ده،چې د پلټنې عالي ادارې د کاري اړتیاوو او مسوولیتونو سره سم باید یاده اداره یوازې د افغانستان اسلامي امارت عالیقدر امیر المومنین حفظه الله او ریاست الوزرا درانه مقامونو ته ځواب ویونکې واوسي. له همدې امله له ټولو همکارانو په ځانګړي ډول له پلټونکو غواړو، چې په پوره ایماندارۍ، صداقت او مسولیت منلو سره د اسلامي امارت د پلټنې عالي ادارې د موخو ترلاسه کولو لپاره خپل مسوولیتونه ترسره کړي، تر څو زمونږ هېواد د مسلمانو او متدینو هېوادوالو لپاره د اسلامي نظام سمبول او مثال وي