طبعي پېښو ته د رسیدو په چارو کې د دولت وزارت کې د پلټنې پای غونډه جوړه شوه
د پلټنې عالي ادارې پلاوي، چې پکې د پلټنې د موندنو او راپور ورکونې رییس ښاغلي مولوي حزب الله رښتین، د حکومتولۍ برخې او قانون حاکمیت د پلټنې برخې رییس ښاغلي محمدنسیم سحر ګډون درلود د 1444 هـ ق کال د رمضان په 19 طبعي پېښو ته د رسېدنې په چارو کې د دولت وزارت د مالي چارو رییس ښاغلي عبدالرحمان زاهد او نورو مسوولینو سره ولیدل.
په دې ناسته کې د پلټنې عالي ادارې مسوولینو پلټنه په ادارو کې د ستونزو نیمګړتیاوو له منځه وړولو لپاره اړینه وبلله، او له مسوولینو یې د پلټنې په بهیر کې د هر اړخیزې همکارۍ له امله مننه وکړه.
د ناستې په بهیر کې د یاد وزارت مسوولینو ته د پلټنې د موندنو د راپور یوه کاپي د هغوی د نظر وړاندې کولو لپاره شریکه شوه.
په پای کې د طبعي پېښو پر وړاندې د مبارزې وزارت مسوولینو د پلټنې په بهیر کې د پلتونکو له نیک چلنده مننه وکړه، او د پلټنې د موندنو او سپارښتنو د عملي کېدا ژمنه وکړه.
