د ښاریانو د ګډون چاروته د رسیدنې کمیټې غونډه
نن دوشنبه د ۱۳۹۹ لمریز کال د زمري د میاشتې ۲۰ نیټه، د ښاریانو د ګډون چارو ته د رسیدنې کمیټې مرستیال او حقوقي سلاکار محمد نسیم سحر؛ په مشرۍ او د کمیټې د غړو په ګډون ددې ادارې د غونډو په تالار کې د ښاریانو د ګډون چاروته د رسيدنې کمیټې غونډه ترسره شوه.
په پیل کې دښاریانو د ګډون چاروته د رسیدنې کمیټې مشر او د کمیټې غړو د پلټنې په بهیر کې د ښاریانو د ګډون میکانیزم او د ګډو پلټنو د ترسره کولو څرنګوالي په اړه خبرې وکړې.
ورپسې ښاغلي محمد نسیم سحر، د غونډي د اجندا په لومړۍ برخه چې د ښاریانو د ګډون استراتیژۍ مسودې وروستي کیدل پکښې شامل وه، په اړه یې څرګندونې وکړې د کمیټې غړو هریوه خپل وړاندیزونه او څرګندونې د غونډې له ګډون والو سره شریکې کړې دا وړاندیزونه او نظرونه د غونډې د مشر له لوري راټول او جمع بندي شول.
ورپسې د اجندا په دوهمه برخه چې د ښاریانو شکایتونه پکښې شامل وه، د غونډې د مشر له لوري وړاندې شول، د غونډې ګډونوالو د شکایتونو په اړه څرګندونې وکړې په پای کې شکایتونو ته د رسیدنې په موخه اړونده برخو ته هراړخیز هدایات ورکړل شول.
