د کرنې مالداري او اوبو لګولو وزارت کې د عامه پروژو د پلټڼې پایغونډه
۱۴۰۱/۸/۱۷
د پلټنې عالي ادارې پایغونډه د کرنې مالساتنې او اوبو لګولو وزارت کې د ښاروالیو د پلټنې رییس ښاغلي مولوي حزب الله رښتین، د عامه پروژو د پلټنې رییس ښاغلي سیدمنان سهار، د پلټنې د ټیم د امر او غړو او له بل لوري مالي او حسابي رییس ښاغلي مولوي ضیاالدین واقف، د طبعي منابعو عمومي رییس ښاغلي مولوي عبدالله او نورو مسولینو په ګډون کې جوړه شوه.
غونډه د قران کریم په مبارکو ایاتونو پیل شوه، ورپسې ښاغلي حزب الله رښتین د پلټڼې، د پلټنې د کړنو، د پلټنې د سل کلن تاریخ او په دې اداره کې د ټاکلو شویو پلټونکو د کړنو په اړه معلومات وړانړدې کړل، نوموړي زیاته کړه: د پلټنې ټیم په دې وزارت کې د هر اړخیزو همکاریو لپاره په دنده ګومارل شوی چې ستونزې، کمې او نیمګړتیاوې په نښه او د حل کولو لپاره یې اصلاحي طرحې وړاندې کړي.
د غونډې په دوام ښاغلي سیدمنان سهار زیاته کړه چې د عامه پروژو د پلټنې ټیم دوه میاشتې دلته حضور درلود، او د راپور د مسودې کاپي یې له یادې ادارې سره د نظر د وړاندې کولو لپاره شریکه کړې، که له مسولینو سره د پلټنې د موندنو په اړه کومې پوښتنې او ملاحظې موجودې وي، سره به یې شریکې کړو او بحث به پرې وکړو تر څو یو بل ته قناعت ورکړو.
