په برېښنا شرکت کې د پلټنې عالي ادارې پرانیست غونډه جوړه شوه
۱۴۰۱/۷/۳۰
د پلټنې پلاوي نن په برېښنا شرکت کې خپله پرانیست غونډه جوړه کړه، چې پکې د دعوت او ارشاد رییس ښاغلي مولوي عیسی خان راهب، د دولتي شرکتونو د پلټنې رییس ښاغلي حمیدالله فقیري، د پلټنې د موندونو د څاراو راپور ورکونې رییس ښاغلي نثار احمد او د پلټنې ټیم غړو او د بریښنا شرکت له لوري ددې شرکت رییس ښاغلي ملاحنیف حمزه، د بریښنا شرکت عملیاتي رییس ښاغلي صفي الله احمدزي او نورو رییسانو پکې ګډون کړی و.
غونډه د قرانکریم په مبارکو ایاتونو پیل شوه، ورپسې ښاغلي مولوي عیسی خان راهب د پلټنې عالي ادارې او د پلټنې ارزښت او اهمیت په اړه ګډونوالو ته معلومات وړاندې کړل، او له مسولینو یې وغوښتل چې امیر المومنین د لارښونې سره سم دې د پلتنې په جریان کې له پلټونکو سره هر اړخیزه همکاري وکړي، او استعلامونو ته دې په وخت معلومات ورکړي.
ښاغلي حمیدالله فقیري بیا د پلټنې په موخو او د جریان په ښه والي، روڼوالي او د پلټونکو د کار په اړه معلومات وړاندې کړل.
په پای کې د افغانستان بریښنا شرکت رییس ملا حمزه په یاد شرکت کې د پلتنې په پروسې او د موندونو په عملي کېدا ژمنه وکړه او غونډه د خیر په دعا پای ته ورسیده.
