په مراجعو (بنسټونو) کې دپلټنې عالي ادارې دموندنو دتحقق او دتطبیق دڅرنګوالی غونډه جوړه شوه

هغه غونډه چې دقانون دحاکمیت او حکومتوالۍ عالي شورا او دفساد پروړاندې دمبارزې د 1398/11/7 نیټې (۶) شمیرې مصوبې دهدایت پر بنسټ د ښاغلي فضل هادي فضل دپلټنې عالي ادارې د مالي او تقنیني سندونو د رعایت پلټنو مرستیال پر مشرۍ چې پکښې ښاغلی عبدالمحمد تره کی، دپلټنې دموندنو د تعقیبولو او راپور ورکونې رئیس ، ښاغلی مختارآغا سیدی، دکورنۍ پلټنې او اطمینان کیفیت رئیس اودټولو دولتي وزارتونو او ادارو دکورنۍ پلټنې رئیسانو ګډون درلود، دیکشنبې په ورځ د ۱۳۹۹لمریز کال دمرغومې په ۷نیټه ، دپلټنې عالي ادارې دغونډو په تالار کې تر سره شوه.

غونډه دقرآن عظیم آلشان په مبارکو آیاتونو پیل او دپلټنې عالي ادارې مشرتابه د وزارتونو او ادارو ټولو دکورنۍ پلټنې رئیسانو او پلټونکو ته هرکلی ووایه، ورپسې داجندا له مخې هغه موارد و باندې لکه؛ د قانون د حاکمیت او حکومتولۍ عالي شورا او د فساد پروړاندې دمبارزې د۶ شمیرې مصوبې تطبیق، دپلټنې عالي ادارې دموندنو دتحقق اودتطبیق څرنګوالی ، د تطبیقي پلان ترتیب ، دموندنوتطبیق په اړه، دپلټنې دموندنو دتعقیبولو او راپور ورکولو ریاست سره دهمغږۍ څرنګوالی ، دپلټنې دکلني پلان ترتیب ، دموندنو په اړه دمراجعو اعتراضونو (نیوکو) ته درسیدنې څرنګوالی او دراپور پرمسوده باندې هراړخیزې خبرې وشوې.

ښاغلي فضل هادي فضل، د مالي او تقنیني سندونو د رعایت پلټنو مرستیال وویل: زموږ غوښتنه داده چې وزارتونه او ادارې دپلټنې عالي ادارې سپارښتنې تطبیق کړي ،تر څو چارې په سمه توګه پرمخ لاړې شي او پدې برخه کې لازمه همکارۍ تر سره شي.

همدارنګه دپلټنې د موندنو دتطبیق په اړه د ادارو ستونزې اوننګونې واوریدل شوې او دپلټنې عالي ادارې د هیواد دنافذه قوانینو او د پلټنې د نړیوالو معیارونو ( انتوسای) له مخې یادو بنسټونو ته دهمکاریو ژمنه وکړه.

دغونډې په پای کې دکورنۍ پلټنې رئیسانو دداسې غونډو جوړولو څخه خوښي څرګنده کړ ه او هغه یې دموخو دتحقق په برخه کې ګټورې وبللې او هیله څرګنده کړه چې تر څو په راتلونکې کې هم داسې غونډې تر سره شي.

دیادونې وړ ده چې مخکې له دې څخه دپلټنې عالي ادارې دپلټنې دموندنو راپور د جمهوري ریاست عالي مقام ته وړاندې کړی وه، چې د جمهوري ریاست عالي مقام دکتنې او ملاحظې ورسته یې، هدایت صادر کړ تر څو ټولې ادارې باید دپلټنې دموندنو دتطبیق په اړه یواصلاحي ، اجرایوي او تطبیقي پلان ترتیب کړي چې له مخې وکولی شي له ۱۳۹۴کال څخه تر ۱۳۹۷کاله پورې د پلټنې موندنې تطبیق کړي.