په کندهار ولایت کې د پلټنې پلاوي له اړوندو مسولینو سره د پلټنې پایغونډه جوړه کړه
۱۴۰۱/۹/۵
د پلټنې عالي ادارې ټاکل شوي پلاوي، په کندهار ولایت کې د عدلیې، بهرنیو چارو، کرنې اوبو لګولو او مالدارۍ ریاستونو او کندهار ښآروالۍ کې د تېرو مالي کلونو بودیجوي چارې وپلټلې او د چارو له بشپړیدو سره یې له اړوندو مسولینو سره پایغونډه جوړه کړه.
په یاده غونډه کې، د پلټنې پلاوي د پلټل شویو ادارو له مسولینو د هغوی د همکارۍ له امله مننه وکړه، او د عامې ادارې په ښه والي، فساد مخنیوي او اصلاحاتو راوړلو کې د پلټنې چاره مهمه وبلله، پلاوي د غونډې په جریان کې د اړوندو ریاستونو له مسولینو سره د پلټنې د راپور مسوده د هغوی د نظر څرګندولو لپاره شریکه کړه.
د غونډې په دوام؛ د کندهار د ولایتي ادارو مسولینو، د کاري دورې په دوام کې د پلټونکو له چلند مننه وکړه، او د پلټنې د موندنو او اصلاحي وړاندیزونو د پلي کېدا ژمنه یې وکړه.
