پولتخنیک پوهنتون کې د پلټنې عالي ادارې پلاوي پرانیست غونډه جوړه کړه
د پلټنې عالي ادارې د پلټنې پلاوي نن سه شنبه ۱۴۰۱/۰۷/۱۹ چې د ۱۴۴۴/۰۳/۱۵ نېټې سره برابره وه په پولي تخنیک پوهنتون کې د پلټنې عالي ادارې د بهرنیو مرستو رییس ښاغلي مولوي صاحب محمد غازي، د پوهنې، روغتیا او کلتور برخې رییس ښاغلي عبدالاحد قیومي او د پلټونکو په شتون چې د پول تخنیک پوهنتون رییس ښاغلي پوهنوال دیپلوم انجینر عبدالرشید اقبال او ددې پوهنتون مالي او اداري مرستیال سیدمصباح الدین هاشمي پکې ګډون کړی و خپله پرانیست غونډه جوړه کړه.
د غونډې پیل ښاغلي مولوي محمدغازي وکړ، او زیاته یې کړه: د اسلامي امارت په بیا حاکمیت کې ټولو افغانانو ونډه اخیستې، اوس د نړیوالو امیدونه له افغانستان پرې شوي هغوی پوهیږي چې افغانان د تسلیمېدو خلک ندي ولس خدمت د اسلامي امارت دنده ده او د پلټنې عالي ادارې دنده چې د افغانستان د پانګې د مصرفېدو له ځایونو معلومات ترلاسه کړي، د مولوي صیب غازي په خبره د اسلامي امارت ټولې ادارې د یو ارمان د ترلاسه کولو لپاره کوي له همدې امله په خپلو کې ډیرې همغږې دي، د پلټنې عالي ادارې پلاوي د پلټنې د پروسې له تمامېدو سره سم هڅه کوي د نیمګړتیاوو او کمېو له معلومولو ورسته اصلاحي وړاندیزونه وړاندې او د اصلاح په برخه کې عملي ګامونه پورته کړي.
د پول تخنیک پوهنتون رییس ښاغلي اقبال د غونډې په پای کې د پلټنې له ټیم د هر راز همکارۍ ډاډ تر څنګ وویل په تېرو شلو کلونو کې دې پوهنتون د ابادۍ لپاره هیڅ کار ندی شوی او ټول تعمیرونه ۵۰ کاله پخواني دي، د نوموړي په خبره د اسلامي امارت په راتګ دې پوهنتون کې د ماسټرۍ ۱۰ د دکتورا ۱ او نور تحقیقي برنامي شروع چې د لا غوړېدو په حال کې دي.
