پلټنې عالي اداره کې د قرانکریم د ترجمې د ختم پروګرام پای ته ورسید
د افغانستان اسلامي امارت د أمیر المومنین او ریاست الوزراء د پریکړې پر بنسټ او د دعوت ارشاد عمومي ریاست له لارښوونو سره سم ، د پلټنې عالي ادارې د دعوت ارشاد ریاست د قرانکریم د ژباړې پروګرام د ښاغلي مولوي ادم خان ادمي له لوري ددې ادارې کارکونکو ته پیل کړ، او د 1444 هـ ق کال د رمضان المبارک په 26 د یو لړ ځانګړو مراسمو په لړ کې، چې پکې د پلټنې عالي ادارې د مالي چارو او تقنیني اسنادو د پلټنې مرستیالاو د ادارې کفیل ښاغلي الحاج مولوي عزت الله حقاني او نورو رییسانو هم ګډون کړی و، پای ته ورسید.
په دې پروګرام کې ښاغلي الحاج مولوي عزت الله حقانی د ادارې د دعوت او ارشاد ریاست له مسوولینو د مننې تر څنګ؛ د ورستیو سورتونو (الاخلاص، الفلق، الناس) ژباړه او تفسیر وکړ، او ټول مسلمان ملت ته یې د الله تعالی له درباره د دعاوو غوښتنه وکړه
