د پلټنې عالي ادارې ګمارل شوي پلاوي، اقتصاد وزارت کې دپلټنې پايغونډه جوړه کړه
د پلټنې عالي ادارې ګمارل شوي پلاوي، د مسودې د پايلو راپور په اړه چې پکې د دعوت او ارشاد رييس ښاغلي مولوي محمد عيسى راهب، د بنسټيزو پروژو، طبيعي سرچينو، اقتصاد او کرنې د پلټنې برخې رييس ښاغلي وحيد الله پويا د پلټنې ډلې آمر او پلټونکو ګډون درلود، د ١٤٤٥ هـ ق کال د شوال په ٨ نېټه، د اقتصاد وزارت سرپرست ښاغلي الحاج قاري دين محمد حنيف، مرستيالانو، رييسانو او دياد وزارت له نورو مسوولينو سره وليدل.
ناسته کې د پلټنې عالي ادارې ګمارل شوي پلاوي، د ياد وزارت له مسوولينو د پلټنې په بهير کې د کړې همکارۍ له امله مننه وکړه او پرې يې د موندنو او سپارښتنو عملي کولو ټينګار وکړ.
د غونډې په پاى کې د اقتصاد وزارت سرپرست ښاغلي الحاج قاري دين محمد حنيف د پلټنې عالي ادارې ګمارل شوي پلاوي له هڅو مننه وکړه او ګمارل شوي کميسيون ته يې دنده و سپارله د پلټنې عالي ادارې د موندنو راپور ولولي او په اړه يې لازم تصميمونه ونيسي.
