د پلټنې عالي ادارې پلاوي؛ کابل مستوفیت کې د پلټنې پرانیست غونډه جوړه کړه
د پلټنې عالي ادارې پلاوي، چې پکې د عوایدو د پلټنې رییس ښاغلي اعجازالحق عزیزي، د پلټنې ډلې امر او غړو ګډون درلود، د ۱۴۴۵ هـ ق کال د رجب المرجب په ۱۹ نېټه د کابل مستوفي شیخ الحدیث ښاغلي محمد امین حقاني او نورو مسوولینو سره ولیدل.
ناسته کې د پلټنې عالي ادارې پلاوي، د پلټنې په ارزښت، د پلټونکو په صلاحیتونو، مسوولیتونو او د پلټل کېدونکې ادارې په مکلفیتونو هر اړخیز معلومات وړاندې کړل، او د کابل مستوفیت له مسوولینو یې د پلټڼې په بهیر کې د همکارۍ غوښتنه وکړه.
د ناستې په دوام د کابل مستوفیت مسوولینو پلاوي ته د ښه راغلاست تر څنګ د پلټنې په بهیر کې د هر اړخیزې همکارۍ ژمنتیا څرګنده کړه.
