د پلټنې عالي ادارې پلاوي؛ د روغتیایي قوانینو له عملي کېدو د څار ریاست کې د پلټنې پرانیست غونډه جوړه کړه
د پلټنې عالي ادارې پلاوي؛ چې پکې د امنیتي، دفاعي او ټولنیز خوندیتوب برخې د پلټنې رییس ښاغلي مولوي محمد غازي جریر، د پوهنې، روغتیا او کلتور د پلټنې ریاست کفیل ښاغلي مولوي صبیح الدین صدیقي او د پلټنې ډلې غړو ګډون درلود، د ۱۴۴۵ هـ ق کال د شوال په ۲۵ نېټه د روغتیایي قوانینو له عملي کېدو د څار رییس ښاغلي مولوي محمود الله زاهد او نورو کارکونکو سره ولیدل.
ناسته کې د پلټنې عالي ادارې پلاوي، د پلټنې په تاریخي مخینې، مقام او مسوولیتونو هر اړخیز معلومات وړاندې کړل، او د یاد ریاست له مسوولینو یې د پلټنې په بهیر کې د همکارۍ غوښتنه وکړه.
د ناستې په پای کې د روغتیایي قوانینو له عملي کېدو د څار ریاست مسوولینو د پلاوي له ورتګه خوښي څرګنده کړه او پلټنه یې په ادارو کې د ستونزو او نیمګړتیاوو د سمښت او روڼتیا رامنځته کولو په پار اړینه یاده کړه، او له پلټونکو سره یې د هر اړخیزې همکارۍ ډاډ څرګند کړ.
