د ښاریانو د ګډون چارو ته د رسیدنې کمیټې غونډه تر سره شوه
د ښاریانو د ګډون چارو ته د رسیدنې کمیټې غونډه نن دوشنبه د ۱۳۹۹ لمریز کال د وږې میاشتې په ۲۴ نیټه، د پلټنې عالي ادارې د مالي او د قوانینو او مقرراتو د رعایت پلټنو مرستیال فضل هادي فضل؛ په مشرۍ او د ښاریانو د ګډون چارو ته د رسیدنې کمیټې رئیس او د کمیټې د غړو، د مدني ټولنو غړو او د پلټنې عالي ادارې د کارکونکو په ګډون ددې ادارې د کنفرانسونو په تالار کې تر سره شوه.
په پیل کې د ښاریانو د ګډون چارو ته د رسیدنې کمیټې رئیس د ښاریانو شکایتونو ته د رسیدنې د څرنګوالي او د راپورونو د نشر په اړه یې بشپړ معلومات وړاندې کړل، د اجندا سره سم د مخکینیو غونډو د پریکړو د تطبیق په اړه راپور له ګډون والو سره شریک کړ.
په ادامه کې، د ښاریانو د بیلابیلو شکایتونو لکه؛ د مالیې وزارت، د کرنې وزارت، د پوهنې وزارت د عمومي تعلیماتو ریاست، د کاپیسا ولایت د اداري اصلاحاتو آمریت، د شمالي دریایې حوزې او د کجکي د بریښنا بند په اړه څرګندونې وکړې او د کمیټې غړو د شکایتونو د معیارونو له مخې؛ شکایتونه تحلیل او وارزول او د حل د څرنګوالي په اړه یی لازم تصمیمونه ونیول.
دغونډې په پای کې اړونده څانګو ته هدایت ورکړل شو ترڅو شکایتونو ته په ټاکلي وخت رسیدنه وشي او راپور یې د ولس د پوهاوي په موخه خپور شي.
