د پلټنې عالي ادارې د عوایدو پلټنې رئیس معرفی شو
ښاغلی شیخ سیدرسول حلیم د پلټنې عالي ادارې عمومي رئیس، محترم اعجازالحق عزیزي د افغانستان اسلامي امارت د ریاست الوزراء د عالي مقام د ۲/۱۱/۱۴۴ هجری قمری نیټې د(۲۲۹۰) شمیرې حکم پر بنسټ په دویمه رتبه بست کې د عوایدو رئیس په ټوګه د دغې ادارې منسوبینو ته وروپیژنده.
د پلټنې عالي ادارې عمومي رئیس محترم عزیزي ته د مبارکۍ ویلو ترڅنګ د عوایدو ریاست یې یو کلیدي ریاست یاد کړ او په کارونوکې ورته د الله (ج) څخه بریالیتوبونو هیله وکړه. همدارنګه نوې مقرر شوې رئیس د ریاست الوزرا عالي مقام او د ادارې د مشرتابه له اعتماد او باور څخه مننه وکړه او ژمنه یې څرګنده کړه چې ورسپارل شوې دنده به په پوره اخلاص او صداقت سره تر سره کړي.
د یادونې وړ ده چې ښاغلی اعجازالحق عزیزي د اقتصاد په برخه کې د لیسانس تر کچې پورې لوړې زده کړې لري او د یادې ادارې په بیلابیلو څانګو کې کاري تجربه لري.
