د پلټنې عالي ادارې د نظارت پلاوي، غزني ولايت ته د سفر په لړ کې د بېلا بېلاو ادارو له مسوولينو سره ناستې وکړې

د پلټنې عالي ادارې د نظارت پلاوي، چې مشري يې د پلټنې عالي ادارې د کورنۍ پلټنې او له کيفيته د ډاډ رياست رييس ښاغلي مولوي عبدالهادي امين کوله، او ورسره مل پلاوي ګډون درلوده د ۱۴۴۵ هـ ق کال د ربيع الاول په ۲۵ نېټه، د غزني ولايت د ټولګټو رياست رييس ښاغلي محب الله عباس، د پوهنې رياست مرستيال ښاغلي مولوي محمد ابراهيم حنفي، د ټولنيزو چارو رياست د روزنتون امر ښاغلي علي محمد محمود او نورو غړو ګډون درلود، د بېلا بېلاو ناستو په ترڅ کې وليدل.
پلاوي د ياد ولايت مسوولينو ته د پلټنې په کړنو هر اړخيز معلومات وړاندې کړل، پلټنه يې په ادارو کې مهمه برخه ياده کړه، او زياته کړه: که پلټنه په ادارو کې شتون ونلري ښايي اداري چارې له ګڼو ستونزو سره مخ شي همدارنګه پلاوي، د غزني ولايت له مسوولينو مننه وکړه، چې له پلټونکو سره يې د پلټنې په برخه کې هر اړخيزه همکاري ترسره کړې.
ورپسې د غزني ولايت مسوولينو د پلاوي له ورتګ خوښي څرګنده کړه، د پلټنې عالي ادارې له مشرتابه يې مننه وکړه، چې ياد ولايت ته يې پلټونکي د پلټنې په موخه ورلېږلي دي او له پلټونکو سره يې د هر ډول همکارۍ ژمنه وکړه.
د يادولو ده، چې همدې سره د پلټنې عالي ادارې د کورنۍ پلټنې له کيفيته د ډاډ رياست رييس په مشرې د نظارت پلاوي، سفر پای ته ورسيده.