د پلټنې عالي ادارې پلاوي؛ د معلولینو او معیوبینو د بیارغونې روغتون کې د پلټنې پرانیست غونډه جوړه کړه
د پلټنې عالي ادارې پلاوي، چې پکې د حکومتولۍ او قانون حاکمیت د پلټنې برخې امر ښاغلي مولوي اسدالله حیدري، د پوهنې روغتیا او کلتور د پلټنې برخې رییس ښاغلي عبدالاحد قیومي او د پلټنې ډلې غړو ګډون درلود، د ۱۴۴۵ ه ق کال د رجب المرجب په ۲۳ نېټه، د معلولینو او معیوبینو د بيا رغونې روغتون له رییس ښاغلي ډاکټر رامین سنګین او نورو مسوولینو سره ولیدل.
ناسته کې ټاکل شوي پلاوي د پلټنې عالي ادارې په موخو، چې له لګښتونو او عوایدو ډاډ ترلاسه کول دي خبرې وکړې، همدارنګه د پلټنې عالي ادارې پلاوي له نړیوالو سازمانونو سره د یادې ادارې په اړیکو معلومات وړاندې کړل او د یاد روغتون له مسوولینو یې د پلټنې په بهیر کې د همکارۍ غوښتنه وکړه.
پای کې ښاغلي ډاکتر رامین سنګین د پلاوي له ورتګه خوښي څرګنده کړه او پلټنه یې په ادارو کې د ستونزو نیمګړتیاوو او تېروتنو د له منځه وړلو په پار اړینه وبلله، نوموړي همداراز د پلټنې په بهیر کې د هر اړخیزې همکارۍ ډاډ څرګند کړ.
