د پلټنې عالي ادارې پلاوي له علومو اکاډمۍ سره د همغږۍ غونډه جوړه کړه
د پلټنې عالي ادارې پلاوي چې پکې د بهرنیو مرستو د پلټنې ښاغلي رییس مولوي محمد غازي جریر، د پوهنې، روغتیا اوکلتور د پلټنې برخې رییس ښاغلي عبدالاحد قیومي، او د علومو اکاډمۍ د طبیعي علومو مرستیال او نورو مسولینو پکې کډون درلود، د پلټنې د همغږۍ غونډه جوړه کړه.
ښاغلي مولوي محمدغازي جریر د پلټنې عالي ادارې د موخو، د پلټنې د ترسره کېدا په ارزښت او د عامه شتمنیو څخه د سمې ساتنې لپاره د پلټنې په ارزښت خبرې وکړې، د افغانستان د علومواکاډمۍ مرستیال پلټنه د ادارو په اصلاح کېدا کې ګټور وباله، او په یاد بنسټ کې یې د پلټنې پروسې د پیل لپاره د تیارۍ ډاډ ورکړ.
