د پلټنې عالي ادارې د مالیي او د ښارجوړولو او ځمکو وزارتونو سره د پلټنې د موندنو د تطبیق په اړه غونډه ترسره کړه
د پلټنې عالي ادارې د۱۴۰۰لمریز کال دغویي د میاشتې په ۲۹ نیټه، د مالیي او د ښارجوړولو او ځمکو وزارتونو له معینانو او د کورنۍ پلټنې له رئیسانو سره د پلټنې د موندنو د تطبیق په اړه غونډه جوړه کړه .
په پیل کې ښاغلی هارون یاری، د پلټنې عالي ادارې د قوانینو او مقررو په پام کې نیولو (رعایت) پلټنې ریاست د پلټنې د موندنو د تطبیق او د بنجمارکونو د ارزښت په اړه خبرې وکړې. ورپسې عبدالمحمد تره کي، د پلټنې د موندنو د تعقیبولو او راپور ورکولو ریاست رئیس د موندنو د تطبیق او تحقق د څرنګوالي او د پلټنې عالي ادارې د موندنو د تطبیق دسلنې په اړه هر اړخیز معلومات وړاندې کړل، او په یو ځانګړي راپور کې د ادارو درې کلنې موندنې هغوی ته وړاندې کړې.
دغونډې په لړ کې معینانو، دکورنۍ پلټنې رئیسانو، مالي او اداري رئیسانو د پلټنې د تطبیق په لاره کې شته ننګونو اوستونزو ته اشاره وکړه چې د پلټنې عالي ادارې مسئوولینو له لوري ورته لارښوونې وشوې او د حل لارې چارې ورته ولټولې.
په پای کې یادو وزارتونو ژمنې وکړې تر څو د پلټنې د موندنو د تطبیق په برخه کې به خپلې هلې ځلې وکړي.
