د پلټنې عالي ادارې د نظارت پلاوي د بدخشان له والي سره وليدل
د پلټنې عالي ادارې پلاوي، چې پکې د دې ادارې حقوقي سلاکار ښاغلي مولوي الهام الدين عمر، د پلټنې د موندنو د تعقيب او راپور ورکونې رئيس ښاغلي مولوي سعدالدين سعدي، د زراعت او زيربنا سکتور د پلټنې آمر ښاغلي ضياءالدين احمدي او نورو غړو ګډون درلود، د ۱۴۴۵ ھ ق کال د ربيع الاول په ۲۷ نيټه د بدخشان ولايت له والي ښاغلي قاري محمد ايوب خالد سره په ياد ولايت کې ناسته تر سره کړه.
ښاغلي خالد د پلټنې عالي ادارې څخه راغلي د نظارت هیئت ته ښه راغلاست ووایه او د دې ادارې شتون يې د امارتي ادارو د ټينګښت او کارونو د سمون لپاره اړين وباله. نوموړي همداراز د پلټنې عالي ادارې د سپارښتنو او سفارشونو د عملي کولو ډاډ څرګند کړ.
ښاغلي مولوي الهام الدين عمر د پلټنې عالي ادارې په اړه مسئولينو ته هر اړخيز معلومات وړاندې کړل او د پلټنې پلاوي سره يې د لا ډيرې همکارۍ غوښتنه وکړه.
د بدخشان والي خوښي څرګنده کړه، چې د پلټنې مسؤولين د محلي ادارو سره د کارونو په ښه والي کې همکاري کوي او د پلټنې په بهير کې يې د هر راز همکارۍ ډاډ څرګند کړ.
