د پلټنې عالي ادارې د څارنې ټیم په لغمان ولایت کې د ارزونې لاندې ادارو نه لیدنه وکړه
په ولایاتو کې د بیا ارزونې له ټیموننو د پلان شویو څارونو په لړ کې، دا ځل د څارنې پلاوي چې پکې د بهرنیو مرستو رییس ښاغلي مولوي محمد غازي، د طبعي سرچینو د پلټنې د سکټور رییس ښآغلي وحیدالله پویا او د بهرنیو مرستو امر بشیراحمدرشیدي د لغمان ولایت د ښاروالۍ، عامي روغتیا ریاست، ښآرجوړونې، او لغمان پوهنتون څخه د پلټونکو د کړنو څخه د څار او د هغوی د ستونزو د حلولو په پار او د مالي او حسابي بیا ارزونې په چارو کې ددې ولایت د پلټنې د جریان په پار نن شنبه د ۱۴۰۱ کال د اسد په ۸ د ۱۴۴۴ هـ ق محرم الحرم په ۸ څارنه وکړه.
د پلټنې د پلاوي له ارزونو سربېره د څارنې پلاوي د لغمان په سیمه ایئزو ادارو کې د پلټونکو د کړنو لپاره اصلاحي لارښودونه هم وړاندې کړل، ددې په دوام په ادارو کې د پلټنې جریان د ښې همغږۍ په پار د لغمان له والي او نورو مسولینو سره لیدنې هم وکړې، او د ښې حکومتولۍ د رامنځته کولو او د اسلامي امارت د ارمانونو د پلې کېدا په پار یې د پلټنې په رول ورته لازم وړاندیزونه وکړل.
د لغمان ولایتي مسولینو یاد پلاوي ته د ښه راغلاست تر څنګ ټاکل شوي پلاوي ته د پلټونکو له کړنو څخه خوښي څرګنده کړه او د ارزونې په چاره کې یې ورسره د همکارۍ ډاډ ورکړ
