د پلټنې عالي ادارې پلاوي؛ د معلولینو او معیوبینو بیارغونې روغتون کې د پلټنې پای غونډه جوړه کړه
د پلټنې عالي ادارې پلاوي؛ چې پکې د امنیتي، دفاعي او ټولنیز خوندیتوب برخې د پلټنې رییس ښاغلي مولوي محمدغازي جریر، د پوهنې، روغتیا او کلتور برخې د پلټنې ریاست کفیل ښاغلي مولوي صبیح الدین صدیقي او د پلټنې دلې غړو ګډون درلود، د ۱۴۴۵ هـ ق کال د شوال په ۲۵ نېټه، د معلولینو او معیوبینو د بیاروغونې روغتون سرطبیب ښاغلي دوکتور عبدالهادي صدیقي او نورو کارکونکو سره ولیدل.
ناسته کې د پلټنې عالي ادارې پلاوي د معلولینو او معیوبینو د بیارغونې روغتون مسوولینو څخه د پلټنې په بهیر کې د کړې همکارۍ له امله مننه وکړه او د پلټنې د موندنو او سپارښتنو د عملي کېدو ژمنتیا یې څرګنده کړه.
پای کې د یاد روغتون سرطبیب خپلو اړوندو مسوولینو ته د پلټنې د موندنو او سپارښتنو د عملي کولو لارښوونه وکړه او د پلټنې عالي ادارې چارې یې نورو امارتي بنسټونو او خلکو ته د ادارو د ځواب ورکولو په برخه کې اړینې وبللې او د دې ادارې پلټونکي یې مسلکي او په کار پوه همکاران یاد کړل.
