د پلټنې عالي ادارې کارکوونکو ته د چارو ادارې له لخوا د ملکي خدمتونو کارکوونکو د کړنو د ارزونې او طرزالعمل لارښود دوه ورځینی ورکشاپ جوړ شو
د پلټنې عالي ادارې کارکوونکو ته د چارو ادارې له خوا د ملکي خدمتونو کارکوونکو د کړنو د ارزونې او طرزالعمل لارښود دوه ورځينی ورکشاپ ، چې پکې د پلټنې عالي ادارې عمومي رييس ښاغلي الحاج مولوي محمد محسن هاشمي، ارشد سلاکار ښاغلي فضل الله نظامي، د دفتر رييس ښاغلي مفتي قدرت الله همت، نورو رييسانو، کارکونکو او د چارو ادارې اړوند د اداري اصلاحاتو او ملکي خدمتونو ادارې عمومي رييس ښاغلي الحاج مولوي عبدالحنان عارف الله، د حقوقي چارو رييس ښاغلي الحاج سيد مسعود مخلص او د حقوقو او پاليسيو مرستيال ګډون درلود، د ۱۴۴۵ هـ ق کال د ربيع الثاني په ۲۰ نېټه د پلټنې عالي ادارې د ناستو په عمومي تالار کې جوړ شو.
غونډه د قرآن کريم په اياتونو پيل شوه، ورپسې د پلټنې عالي ادارې عمومي رييس ښاغلي الحاج مولوي محمد محسن هاشمي راغلي پلاوي ته ښه راغلاست ووايه او د اسلام په رڼا کې يې په اداري چارو رڼا واچوله زياته يې کړه: د کړنو ارزونه اداري اصل دی، چې د کارونو کيفيت ښه کول، د کارکونکو وړتيا لوړونه او د هغوی شته ستونزې په ګوته کول دي. نوموړي همدا راز د چارو ادارې له پلاوي سره د هر اړخيزې همکارۍ ژمنه وکړه.
د غونډې په دوام د چارو ادارې اړوند اداري اصلاحاتو او ملکي خدمتونو ادارې عمومي رييس ښاغلي الحاج مولوي عبدالحنان عارف الله وينا وکړه. نوموړي د پلټنې عالي ادارې له مشرتابه او کارکوونکو څخه مننه وکړه، چې د امارتي ادارو سره په اصلاحاتو او د کارونو په ښه والي کې همکاري کوي، ښاغلي مولوي عارف الله د چارو ادارې لخوا د پلټنې عالي ادارې کارکوونکو ته د دوه ورځيني ورکشاپ موخه په ادارو کې د چارو ارزونه، د دندو پېژنده، پلان جوړونه، او راپور جوړونه ياده کړه.
