د پلټنې عالي ادارې د وړتیا لوړونې او بورسونو د برابرولو کومېټې؛ خپله نوبتي ناسته ترسره کړه
د پلټنې عالي ادارې د وړتیا لوړونې او بورسونو د برابرولو کومېټې، د روان ۱۴۴۵ هـ ق کال د محرم په ۱۴ نېټه ددې ادارې د مسلکي سلاکار په مشرۍ خپله نوبتي ناسته ترسره کړه.
ناسته کې د پلټنې عالي ادارې د مسلکي پراختیا رییس ښاغلي سیدرحمن رحمن د زده کړیزو پروګرامونو او ددې پروګرامونو لپاره د سوالونو په اړه هر اړخیز معلومات وړاندې کړل. د غونډې په دوام د کومېټې رییس او غړو د دوه زده کړیزو صنفونو د سوالونو او تدریس شویو موادو د پرتله کولو په اړه خبرې اترې وکړې او خپل نظرونه یې په ناسته کې شریک کړل، چې په پای کې یې اړینې پریکړې وشوې.
