د پلټنې عالي ادارې د نظارت پلاوي؛ د کندهار ولایت والي سره ولیدل
د پلټنې عالي ادارې د نظارت پلاوي، چې مشري یې ددې ادارې د دعوت او ارشاد رییس ښاغلي مولوي محمدعیسی خان راهب کوله او ورسره د عملکرد او چاپېریال ساتنې د پلټنې رییس ښاغلي احمد شکیب ستاري، د عواید د پلټنې امر ښاغلي نثاراحمد ثبات او د پلټنې د ټیم غړو ګډون درلود، د ۱۴۴۵ هـ ق کال د محرم په ۲۲ نېټه د کندهار والي ښاغلي الحاج ملامحمد شیرین اخند او نورو مسوولینو سره ولیدل.
د پلټڼې عالي ادارې د نظارت پلاوي، د کندهار والي نه غوښتل، چې دې ولایت کې دې د پلټنې لاندې ادارو مسوولینوته لارښوونه وکړي څو د پلټنې په بهیر کې له پلټونکو سره لا ډیر همکاري وکړي، پلاوي د کندهار ولایت له مقام همداراز غوښتنه وکړه څو یاده موضوع د مقام په اداري ناستو کې اړوندو مسوولینو ته په ټینګار سره یاده کړي.
د کندهار والي ښاغلي ملامحمد شیرین اخند د پلاوي له ورتګه خوښي څرګنده کړه او له پلټونکو سره یې د هر اړخیزې همکارۍ ژمنه وکړه.
