د پلټنې عالي ادارې شپږو ریاستونو ته نوي سرپرست رییسان معرفي شول
د افغانستان اسلامي امارت د ریاست الوزرا د درانه مقام د ۱۴۴۵ هـ ق کال د صفرالمظفر د ۱۷ نېټې او ۸۹۷ شمېرې حکم پر بنسټ د پلټنې عالي ادارې شپږو ریاستونو ته نوي رییسان د سې شنبې ورځ ۱۴۴۵ هـ ق کال د صفرالمظفر میاشتې په ۱۹ نېټه د یوې غونډې په لړ کې، چې پکې د دې ادارې عمومي رییس ښاغلي مولوي محمد محسن هاشمي، رییسانو او کارکونکو ګډون درلود معرفي شول.
ښاغلي مولوي محمدمحسن هاشمي بدلون په ادارو کې د چارو د ښه والي او سمون لپاره یو اصل وباله او ورپسې یې د ریاست الوزرا حکم، چې پر بنسټ یې د پلټنې عالي ادارې شپږو ریاستونو ته نوي رییسان پېژندل شوي و ولوست. پدغه حکم کې د ځانګړې او عملکرد پلټنې عمومي ریاست لپاره د سرپرست په توګه په لومړي بست ښاغلی مولوي نورحیدر صدر، د حقوقي سلاکار بست ته ښاغلی مولوي الهام الدین ، د بشري سرچینو ریاست لپاره ښاغلی قاري عتیق الله شهادت یار، د مالي او اداري ریاست لپاره ښاغلی مولوي نجم الرحمن فضلي، د پلټنې د موندنو د څار او راپور ورکونې ریاست ته ښاغلی مولوي سعدالدین او د بهرنیو مرستو د پلټنې ریاست ته ښاغلی مولوي عبدالقدیر حقاني د سرپرست رییس په توګه معرفي شول.
د یادولو وړ ده، چې نوي مسوولینو په مختلفو امارتي ادارو کې دندې ترسره کړې دي، ښاغلي صدر د ماسترۍ او نورو تر لیسانس کچې او دیني زده کړې بشپړې کړي دي.
