د پلټنې عالي ادارې د کورنۍ پلټنې او له کیفیته د ډاډ کمېټې ناسته ترسره شوه
د پلټنې عالي ادارې د کورنۍ پلټنې او له کیفیته د ډاډ کمېټې د الحاج مولوي محمد محسن هاشمي په مشرۍ د ۱۴۴۵ هـ ق کال د جمادي الثاني په ۴ نېټه د مسلکي پراختیا ریاست د پلټنې د پایلو د راپور په اړه ناسته وکړه.
ناسته کې د کمېټې رییس او غړو د ادارې د مسلکي پراختیا ریاست د یو کلنو کړنو د پایلو راپور وکاته او ددې ریاست یو کلنې کړنې او لاسته راوړنې یې وستایلې. پای کې د پلټنې عالي ادارې درانه مقام د مسلکي پراختیا ریاست ته لارښوونه وکړه؛ څو د دې ادارې د کارکونکو د مسلکي ظرفیت لوړولو په پار لا ډېرې هلې ځلې وکړي.
