د پلټنې عالي ادارې پلاوي، د ننګرهار ولایت ټولګټو چارو ریاست کې د پلټنې پايغونډه جوړه کړه
د پلټنې عالي ادارې پلاوي، چې پکې مولوي انورالحق او د پلټنې ډلې غړو ګډون درلود، د ۱۴۴۵ هـ ق کال د جمادي الثاني په ۱۰ نېټه د ننګرهار ولایت د ټولګټو چارو رییس ښاغلي مولوي یارمحمد محمدي او نور مسوولینو سره ولیدل.
د غونډې په پيل کې د پلټنې عالي ادارې پلاوي د ياد ریاست له مسوولينو د پلټنې په بهير کې د کړې همکارۍ له امله مننه وکړه، او پلټنه يې د اسلامي امارت له ټولو ادارو سره د هغوی چارو ته د رسېدو او د تېروتنو د سمښت په موخه مرسته ياده کړه، او د پلټنې د راپور د مسودې يوه کاپي يې هم له مسوولينو سره شريکه کړه.
د غونډې په پای کې مولوي یارمحمد محمدي د پلټنې عالي ادارې پلاوي ته د ښه راغلاست ترڅنګ د پلټونکو له چلنده خوښي څرګنده کړه او د پلټنې عالي ادارې د سپارښتنو د عملي کېدو ژمنه يې وکړه.
