د پلټنې عالي ادارې مشرتابه د نیالګیو کرلو دود عامولو په موخه، ددې ادارې په انګړ کې نیالګی کېناوه
چاپیریال ته د پام او د ونو کېنولو دود د عامولو لپاره د پلټنې عالي ادارې د مالي چارو او تقنیني اسنادو د رعایت پلټنې مرستیال (د پلټنې عالي ادارې سرپرست) ښاغلي مولوي عزت الله حقاني، چې د دې ادارې یو شمېر رییسان او کارکوونکي هم ورسره و، د ۱۴۴۴ هـ ق کال د شعبان په ۶ نېټه د پلټنې عالي ادارې په انګړ کې نیالګي کېنول او د چاپېريال د ښېرازۍ او د هوا له ککړتیا د مخنيوي په موخه يې د ادارې له ټولو کارکوونکو يې وغوښتل چې نیالګي وکري.
د نیالګیو کرل او د دغه کلتور ژوندي ساتل په ريښتيني مانا پر چاپېریال پانګونه کول دي، داسې پانګونه چې هېڅ وخت زیان نه کوي؛ نو د خپل ګران هېواد د راتلونکي لپاره نیالګي کېنوئ.
