د پلټنې عالي ادارې پلاوي؛ د کابل ښاروالۍ په څوارلسمه ناحیه کې د پلټنې پرانیست غونډه جوړه کړه
د پلټنې عالي ادارې پلاوي؛ چې پکې د ښاروالیو د پلټنې رییس ښاغلي مولوي محمد حسن موسی زي، او د پلټنې ډلې غړو ګډون درلود، د ۱۴۴۵ هـ ق کال د ذوالقعدې په ۳ نېټه د کابل ښاروالۍ د څوارلسمې ناحیې رییس ښاغلي مولوي غلام محبوب عرفاني او نورو مسوولینو سره د پلټنې پرانیست غونډه جوړه کړه.
ناسته کې د پلټنې عالي ادارې پلاوي د عامه شتمنیو او بیت المال څخه د ساتلو په پار د پلټنې بهیر په اړتیا معلومات وړاندې کړل او د یادې ناحیې له مسوولینو یې د پلټنې په بهیر کې د همکارۍ غوښتنه وکړه.
د ناستې په پای کې د څوارلسمې ناحیې مسوولینو د پلټنې عالي ادارې پلاوي ته ښه راغلاست ووایه او د پلټنې په بهیر کې یې له پلټونکو سره د هر اړخیزې همکارۍ ډاډ څرګند کړ.
