د خلکو د ګډون چارو ته د رسېدنې کمېټې ناسته وشوه
د پلټنې په پروسو کې د خلکو د ګډون چارو ته د رسېدنې کمېټې ناسته د کړنو او معلوماتي ټکنالوژۍ د پلټنې د مرستیال سید بلال هاشمي په مشرۍ او د یادې کمېټې د غړو په ګډون د پلټنې عالي ادارې د ناستو په تالار کې وشوه.
په پیل کې د خلکو د ګډون چارو ته د رسېدنې د کمېټې مشرد ګډو پلټنو د ارزښت، په ګډو پلټنو کې د مدني ټولنې د بنسټونو د ګډون او رول او د خلکو شکایتونو او وړاندیزونو ته د رسېدنې په اړه خبرې وکړې. ورپسې د کمېټې غړو د پلټنې د راپورونو د خپرېدو په اړه د بحث ترڅنګ د شکایتونو او وړاندیزونو او هغو ته د رسېدنې په اړه هراړخیز بحث وکړ.
په پای کې اړوندو څانګو ته لارښوونه شوه، څو د کمېټې له پرېکړو سره سم اجراآت وکړي.
