د پلټنې عالي ادارې درې تنه نوي رئیسان معرفی شول
د افغانستان اسلامي امارت د ریاست الوزراء عالي مقام د بیلا بیلو حکمونو او د پلټنې عالي ادارې د مشرتابه د لزوم دید پر بنسټ د دعوات ارشاد، د کړنو پلټنې او د ښاروالیو د پلټنې رئیسان د پلټنې عالي ادارې عمومي رئیس شیخ سید رسول حلیم له خوا چې مولوي عزت الله حقاني د مالي چارو او تقنیني سندونو د رعایت پلټنو مر ستیال هم حضور درلود د یویې غونډې په تر څ کې نن چهارشنبې د ۱۴۴۳ قمري کال د شعبان د میاشتې په ۲۶ نیټه، معرفي او پر دندو يې کارپېل کړ .
د 23/8/1443 نيټې(1610) شمیرې حکم پر بنسټ، محترم مولوی عیسی خان چې د اسلامیه او العصریه علومو په څانګه کې د لیسانس تر کچې لوړې زده کړې لري او په بیلا بیلو بر خو کې څو کلنه کاري تجربه لري په دویمه رتبه بست کې د دعوت ارشاد ریاست د سرپرست رئیس په توګه،
د (1634) شمیرې حکم پربنسټ محترم احمد شکیب ستاری چې د ماسټرۍ تر کچې پورې لوړې زده کړې لري او د تفتیش عملکر، مالي پلټنې، د قوانینو درعایت پلټنې په بر خه کې لس کلنه کاري تجربه لري په دویمه رتبه بست کې دکړنو ( عملکر) پلټنې ریاست د سر پرست په توګه
او د(1611)شمیرې حکم پربنسټ،محترم مولوی حزب الله چې د ماسټرۍ تر کچې د عربی علومو په برخه کې لوړې زده کړې لري او په بیلا بیلو بر خو کې څو کلنه کاري تجربه لري په دویمه رتبه بست کې د ښاروالیو د پلټنې ریاست د سر پرست په توګه د ادارې کار کونکو ته معرفی شول.
د پلټنې عالي ادارې مشرتابه نوي ګمارل شویو رئیسانو ته د مبارکۍ ویلو تر څنګ له دوي څخه یې خپل ملاتړ اعلان کړاو د چارو په تر سره کولو کې د لوی څښتن تعالی له دربارڅخه ورته د بریالیتوبونو هیله وکړه.
