د پلټنې عالي ادارې د نظارت پلاوي، کندهار ولایت ته سفر وکړ
د پلټنې عالي ادارې د نظارت پلاوي، چې پکې د دعوت او ارشاد رییس ښاغلي مولوي محمدعیسی خان راهب، د عملکرد او چاپېریال ساتنې د پلټنې رییس ښاغلي احمدشکیب ستاري، د عوایدو د پلټنې امر ښاغلي نثاراحمد ثبات او د پلټنې ټیم غړو ګډون درلود، د ۱۴۴۵هـ ق کال د محرم په ۲۰ او ۲۱ د ۲۰۵ البدر قول اردو مرستیال ښاغلي الحاج عبدالجبار اغاجان، د ښاري کانالیزسیون او اوبو رسولو د عمومي زون رییس ښاغلي حاجي ملاپاچا یوسف، د ارشاد حج او اوقافو رییس ښاغلي الحاج شیخ الحدیث مولوي عبدالبصیر فایز او د کندهار ولایت د ځمکني ټرانسپورټ رییس ښاغلي عبدالغني احسان سره بیلاـ بیلې ناستې ترسره کړې.
ناستو کې د پلټنې عالي ادارې د نظارت پلاوي د د اصلاحاتو رامنځته کولو، حساب ورکونې، روڼتیا او نورو مسایلو اړوند په څلور مراجعو کې، چې د اسلامي امارت د ریښو په پیاوړي کولو کې لویه ونډه لري، هر اړخیز معلومات وړاندې کړل، د یادو ریاستونو مسوولینو د پلټنې بهیر په پایله کې ادارو کې د اصلاحاتو رامنځته کېدو په پار خوښي څرګنده کړه او ژمنه یې وکړه، چې د پلټنې په بهیر کې به همکار واوسي.
