د پلټنې عالي ادارې پلاوي، د کابل ښاروالۍ په یوولسمه او پنځلسمه ناحیه کې د پلټنې پرانیست غونډه جوړه کړه
د پلټنې عالي ادارې پلاوی، چې پکې د ښاروالیو د پلټنې رییس ښاغلي مولوي حزب الله رښتین، نورو مسوولینو او پلټونکو ګډون درلود، د کابل ښاروالۍ د پنځلسمې ناحیې له رییس ښاغلي مولوي عبدالبصیر خلیلي، د یادې ناحیې له نورو مسوولینو او د کابل ښاروالۍ د یوولسمې ناحیې د ښاري چوپړونو امر ښاغلي محمد نور سرحدي، د بیو ټاکلو امر ښاغلي انجینر تاج محمد او نورو مسوولینو سره د ۱۴۴۴ رجب المرجب میاشتې په ۲ نېټه، په دوو بیلا بیلو ناستو کې وکتل.
په دواړو ناستو کې د پلټنې عالي ادارې د ښاروالیو د پلټنې رییس ښاغلي مولوي حزب الله رښتین، د پلټنې بهیر، په نظام کې د سمونونو د راوستلو، اداري فساد په مخنیوي او د اداري چارو د لا ښه کېدو او پیاوړتیا لپاره اړین وباله، نوموړي د دواړو ناحیو له مسوولینو وغوښتل، چې د پلټنې په بهیر کې دې له پلټونکو سره هر اړخیزه همکاري وکړي.
د ناستو په ورستیو برخو کې د یوولسمې او پنځلسمې ناحیو مسوولینو، په یادو بنسټونو کې د پلټنې په بهیر کې له پلټونکو سره د هر اړخیزې همکارۍ او پر وخت د استعلامونو د ځوابولو ډاډ څرګند کړ.
