د پلټنې عالي ادارې پلاوي؛ د کابل امبولانس امریت کې د پلټنې پای غونډه جوړه کړه
د پلټنې عالي ادارې پلاوي، چې پکې د دعوت او ارشاد رییس ښاغلي مولوي محمد عیسی راهب، د پوهنې، روغتیا او کلتور د پلټنې برخې رییس ښاغلي عبدالاحد قیومي او د پلټنې ډلې غړو ګډون درلود، د ۱۴۴۵ هـ ق کال د شعبان المعظم په ۸ نېټه، د کابل امبولانس امر ښاغلي ډاکټر عبدالجبار نورزي او نورو مسوولینو سره ولیدل.
پیل کې د پلټنې عالي ادارې پلاوي د کابل امبولانس امریت له مسوولینو د پلټنې په بهیر کې د کړې همکارۍ له امله مننه وکړه او د پلټنې د موندنو د راپور مسودې یوه کاپي یې د هغوی د نظر اخیستلو په پار ورسره شریکه کړه.
ورپسې ښاغلي عبدالجبار نورزي د پلټنې عالي ادارې د پلاوي له ګټورو هڅو مننه وکړه او د پلټنې د موندنو او سپارښتنو د عملي کولو ډاډ یې څرګند کړ.
