د پلټنې عالي ادارې پلټونکو ته د عملکرد پلټنې ښوونیز پروګرام جوړ شو
د پلټنې عالي ادارې د عملکرد او چاپېریال ساتنې د پلټنې ریاست له لوري او د مسلکي وړتیا لوړونې ریاست په همکارۍ د دې ادارې پلټونکو ته د عملکرد پلټنې درې میاشتنی ښوونیز پروګرام د ۱۴۴۵ هـ ق کال د رجب المرجب په ۳۰ نېټه جوړ شو.
د پیل په مراسمو کې د عملکرد او چاپېریال ساتنې د پلټنې رییس ښاغلي احمد شکیب ستاري د دې پروګرام د جوړېدو موخه د پلټونکو د مسلکي وړتیا لوړول او د ۱۴۰۳ مالي کال په لړ کې د پلټنو پر وړاندې د ستونزو او خنډونه پېژندل او ورته د حل لارو لټول یاد کړل.
