د پلټنې عالي ادارې پلټونکو ته د کورنۍ پلټنې ښوونیز سمینار جوړ شو
د مسلکي وړتیا لوړونې ریاست له لوري د ښوونیزو پروګرامونو په لړ کې دا ځل ددې ادارې پلټونکو ته د (کورنۍ پلټنې) تر عنوان لاندې څلور ورځینی سمینار، د روان ۱۴۴۵ هـ ق کال د ربیع الثاني په ۱۳ نېټه، ددې ادارې په ښوونیز مرکز کې جوړ شو.
ددې پروګرام ښوونکي ښاغلي احسان الله زاهد د سمینار موخه د ادارې د پلټونکو او کارکونکو د مسلکي وړتیا لوړول او د تخنیکي ستونزو له منځه وړل یاد کړل.
د سمینار ګډونوالو د پلټنې عالي ادارې له رهبرۍ مننه وکړه او د دا ډول پروګرامونو جوړول یې د دندو پر مخ وړلو کې ډېر ګټور وبلل.
