د پلټنې عالي ادارې ګومارل شوي پلاوي؛ په شیخ زاید روغتون کې د پلټنې پرانیست غونډه جوړه کړه
د پلټنې عالي ادارې له کاري چوکاټ او د پلټنې نړیوالو عالي ادارو سازمان (اسوسای) له معیارونو سره سم د ۱۴۴۴ هـ ق کال د شعبان په ۲۵ نیټه د پلټنې عالي ادارې پلاوي، چې پکې د پوهنې، روغتیا او کلتور پلټنې برخې رییس ښاغلي عبدالاحد قیومي، محترم مولوی صبیح الدین صدیقی د پوهنې، روغتیا او فرهنګ د برخې امر او نورو غړو هم ګډون درلود، د شیخ زاید روغتون له رییس ښاغلي ډاکټر عصمت عصمت او نورو مسوولینو سره د پلټنې پرانیست غونډه جوړه کړه.
د پلټنې عالي ادرې پلاوي، د پلټنې په ډولونو، موخو، صلاحیتونو، مسولیتونو او تر پلټنې لاندې بنسټ په مکلفیتونو هر اړخیز معلومات وړاندې کړل، ورپسې ښاغلي عصمت عصمت د پلټنې پلاوي ته د ښه راغلاست تر څنګ د پلټنې په بهیر کې له پلټونکو سره د هر اړخیزې همکارۍ او په وخت د استعلامونو ځوابولو ډاډ ورکړ.
