د کلیو د بیارغونې او پراختیا وزارت سره د پلټنې عالي ادارې غونډه د پلټنې د موندنو او وړانډیزونو د پلي کولو په اړه ترسره شوه
د پلټنې عالي ادارې د نورو دولتي ادارو سره د غونډو په دوام کې، د ۱۴۰۰ د چنګاښ په ۱۳ نیټه، د کلیو د بیارغونی او پراختیا وزارت د مالي او اداري مرستیال ښاغلې معراج الدین شمس، د کورني پلټنې رئیس او د مالي او اداري رئیس سره د دې وزارت په مقر کې د پلټنې د موندنو او سپارښتونو په اړه یوه غونډه ترسره کړه. 
لومړی، د پلټنې عالي ادارې د پلټنې د موندنو د پیګیرۍ او راپور ورکولو رییس ښاغلي عبدالمحمد ترکي د پلټنې د وړانډیزونو او موندنو د پلي کولو اهمیت او د وړانډیزونو د پلي کونکو چارواکو د مسؤلیتونو په اړه خبرې وکړې. وروسته ښاغلي شمس د پلټنو د موندنو او وړانډیزونو پلي کولو د څرنګوالي او د اسنادو په کتلو سره د وړانډیزونو د پلي کولو سلنې په اړه، او همدارنګه په یادې وزارت کې د موندنو پلې کولو په وړاندې شته ننګونو په اړه یې هم معلومات ورکړ. د غونډې په پای کې، د وزارت چارواکو ژمنه وکړه چې د پلټنې د موندنو په پلي کولو کې به له هیڅ ډول همکاریو څخه ډډه ونه کړي.
