د پلټنې عالي ادارې پلاوي؛ د کابل ښاروالۍ په یوولسمه ناحیه کې د پلټنې پرانیست غونډه جوړه کړه
![dssdf](/sites/default/files/2024-02/nahyh_yazdh_1.jpg)
د پلټنې عالي ادارې پلاوي، چې پکې د ښاروالیو د پلټنې رییس ښاغلي مولوي محمد حسن موسی زي، د پلټنې ډلې امر او غړو ګډون درلود، د ۱۴۴۵ هـ ق کال د رجب المرجب پ ۳۰ نېټه د کابل ښاروالۍ د یوولسمې ناحیې له مرستیال ښاغلي فضل الله زاهد او نورو مسوولینو سره ولیدل.
ناسته قران شریف په مبارکو ایاتونو پیل شوه، ورپسې د پلټنې پلاوي په عامه ادارو کې د پلټنې په ارزښت، د پلټنې عالي ادارې په صلاحیتونو، مسوولیتونو او د پلټل کېدونکو ادارو په مکلفیتونو خبرې وکړې او د پلټنې اصلي موخه یې له عامه شتمنیو څخه ساتنه یاده کړه.
پای کې ښاغلي فضل الله زاهد د پلټنې بهیر په ادارو کې د سمونو د راوړلو په معنی وباله او د پلټنې عالي ادارې پلاوي سره یې د پلټنې په بهیر کې د همکارۍ ژمنتیا څرګنده کړه.
![sdffddss](/sites/default/files/inline-images/%D9%86%D8%A7%D8%AD%DB%8C%D9%87%2011.jpg)