د ملګرو ملتونو سازمان د فساد پروړاندې دمبارزې کنوانسیون غړو هیوادونو په اتمه ناسته کې اداري فساد یوه لویه ننګونه وبلله
دملګرو ملتونوسازمان دفساد پروړاندې دمبارزې کنوانسیون دغړو هیوادونو اتمه ناسته دپلټنې عالي ادارې مسلکي مرستیال فضل هادي فضل اودافغانستان سفیر په ګډون سره د۲۰۱۹زیږدیز کال ددسمبر له ۱۶څخه تر۲۰نيټې پورې دعربي متحده اماراتو کې دوام لري.
یو له هغو مهمو اوکلیدي خبرو چې پدې ناسته کې پرې بحث کیږي هغه داده چې؛ فساد د ټولو هیوادونو لپاره یو چلنج ،ننګونه او یوه بنسټیزه اندیښنه اودټولو پرمختګونو پر وړاندې خنډ ده چې د هیوادونو داقتصادي ماتې اصلي عامل ګڼل کیږي.
ددې ناستې ټنګار پردې ده چې دفساد پروړاندې مبارزه کې باید یووالی او نړیوالې اجماع رامینځته شي .ترڅو ددې ناوړه پدیدې د له مینځه وړلو لپاره لارې چارې ولټوو او یوه څرګنده پایله لاسته راوړو او پروړاندې ودریږو.
دا پداسې حال کې ده چې دفساد پدیده د اسلامي، فرهنګي ارزښتونواو د هیواد داساسي قانون سره په ټکر کې ده. او د فساد پروړاندې مبارزه دټولو عامه بنسټونو یووالي، دمدني ټولنو او رسنیو همکاریو ته اړتیا لري.
