دپلټنې په عالي اداره کې دکړنو دګډو(مشارکتي) پلټنو دپیژندنې او زده کړې په اړه غونډه جوړه شوه
دکړنو مشارکتي پلټنو په پروسه کې د مدني ټولنو استازو دګډون اود دې پلټنې دپیژندنې په اړه چې په ۱۴۰۰لمریز مالي کال کې ګډون کړی وه لومړنۍ غونډه نن چهارشنبې د۱۳۹۹لمریز کال دمرغومې په لسمه نیټه جوړه شوه.
غونډه دقرآن عظیم آلشان په مبارکو آیاتونو پیل، ورپسې سمیع الله سباوون، دپلټنې عالي ادارې دکړنو پلټنې رئیس دغونډې ګډونوالو ته هرکلی ووایه او دکړنو په مشارکتي پلټنو کې دپلټنې عالي ادارې اودمدني ټولنود استازو د ونډې په اړه یې دغونډې غړوته هر اړخیز معلومات وړاندې کړل.
همدارنګه ښاغلي سباوون دهغو موضوعګانو په اړه چې د ۱۴۰۰لمریز مالي کال په پلان کې نیول شوي دي او داچې څرنګه او دکومو معیارونو له مخې ټاکل شوي دي ، بشپړمعلومات ورکړل.
ورپسې دمدني ټولنو دمعرفي شويو استازو د وړتیا لوړولو او دلاپوهاوي په موخه دپلټنې عالي ادارې، دمشارکتي پلټنواودکړنو پلټنې ( تفتیش عملکرد) دپیژندنې په اړه د اړونده برخو مسئوولینو له لوري پریزینتیشنونه وړاندې شول.
په پای کې د مدني ټولنو استازودپلټنې عالي ادارې څخه مننه وکړه او په ځینو مواردو کې دپلټنې عالي ادارې څخه دمعلوماتو غوښتوونکي شول چې د اړونده برخو مسئوولینو له لوري بشيړه معلومات ورکړل شول اود دوي قناعت یې تر لاسه کړ.
