د پلټنې په عالي اداره کې د مالي او اداري مرستیال د مخه ښې په مناسبت غونډه جوړه شوه
هغه غونډه چې نن یګشنبه د۱۳۹۹لمریز کال دلندۍ په ۳۰ نیټه د پلټنې عالي ادارې په تالار کې د مالي او اداري مرستیال ښاغلي مجیب الرحمن شیرزاد د مخه ښې په مناسبت جوړه شوې وه د پلټنې عالي ادارې عمومي رئیس ښاغلي محمد نعیم حقمل، د مالي او تقنیني سندونو د رعایت پلټنو مرستیال ښاغلي فضل هادي فضل، د ادارې چارواکو او کارکوونکو ګډون کړی وه.
په پیل کې غونډه د قرآن عظیم ألشان په تلاوت پیل شوه، او ورپسې ښاغلي محمد نعیم حقمل په خپلو خبرو کې لومړی ښاغلي شیرزاد ته په مالیې وزرات کې دعوایدو او ګمرکونو د معین په توګه دنوې دندې مبارکې وویله او څرګنده یې کړه: ښاغلی شیرزاد زموږ یو ډېر ښه دوست او ملګری دی چې څه باندې درې کاله یې په دې اداره کې ډیرې لاسته راوړنې لرلي او د ادارې دپراختیا او پیاوړتیا په برخه کې رغنده ونډه تر سره کړې ده، او کړنې دستایلو وړ دي.
ښاغلي حقمل د دندې په ترسره کولو کې د شیرزاد له سلوک، صداقت او رښتینولۍ څخه مننه او د ښه ژوند او بریا هيله يې ورته وکړه، دغه راز د مالي او تقنیني سندونو د رعایت پلټنو مرستیال ښاغلي فضل هادي فضل، ښاغلی شیرزاد یو خدمتګار او مهربانه شخص یاد کړ د ده له غوره کړنو، همکارانو او کارکونکو سره یې د ښو اړیکو ستاینه وکړه اود ښاغلي شیرزاد هغه کړنې چې په تېرو څو کلونو کې په دې اداره کې د معاونیت په دروان کې ترسره کړي وستایلې.
وروسته ښاغلي مجیب الرحمن شیرزاد هم د ادارې له رهبرۍ او کارکوونکو څخه مننه و کړه، وې ویل: د خوښۍ ځای دی، چي د ادارې رهبري او کارکوونکي يې له کړنو څخه راضي دي، په هر ځای کې چې اوسم هڅه به مې دا وي، چې په رښتني توګه خپل هیواد، خلکو او ولس ته صادقانه خدمت وکړم. 
